تعالى نسأل نفسنا إيه هو المطلوب مننا فى الحياة؟ وماهو الهدف من الدنيا اللى إحنا عايشينها؟
أنا هجاوب .. وهقول فكرتى ... بإختصار وبساطه " على غير عادتى"
تصور إنك عندك عربية....
العربية دى محتاجة :
موتور جامد "كام ألف" سى سى...
كاوتش كويس..
بطارية علشان تدور بيها ...
فوانيس ...
مساعدين علشان المطبات...
وأحيانا تحتاج تظبط العافشة...
محتاجة صاج متين...
وتخش الفرن تاخد دهان ميتاليك
ومحتاجة البنزين اللى هتدور بيه...
ممكن إزاز كهربا....
وأبواب بتقفل أوتوماتيك" على قد لحافك"
ومساحات و فوانيس شبورة و جنوت سبور وأى تراويش ممكن تحطها...
لكن ف النهاية............ أكيد إنك مش بتعمل ده كله علشان تركنها ف الجراج
الهدف الأساسى............... إنك تدور العربية وتروح بيها مشوارك
كذلك الإنسان
محتاج جسم كويس : علشان كده بناكل ونشرب وننام و.....و.....
عقل كويس : علشان كده بنتعلم ونقرا ونسمع ونفهم و ..... و......
حياة روحية" أساسية": بنعبد ربنا "الأشكال اللى فاتت كمان عبادة لربنا"ونصلى ونصوم ونزكى و نعمل عمرة و.. و...
حياة عاطفيه : فبنحب ونتجوز ونخلف عيال و.... و....
حياة مادية: بنورث فلوس او نجيبها من شغلنا
لكن ف النهايه................. احنا مش ممكن نقف عند كده وما اعتقدش إن ربنا خلقنا علشان كده بس
لازم يكون لكل واحد مننا هدف وتكون الحاجات اللى احنا قولنا عليها هى الشىء اللى هيخده ويروح بيه لهدفه
لأن كل الحاجات اللى انا قلتها ديه "أى انسان " ممكن يعملها بل بالعكس أى مخلوق تانى غير الإنسان يقدر يعملها بل هو بيعملها فعلا
لكن يبقى تفضيل ربنا للإنسان عن باقى المخلوقات فى الهدف والقيمة اللى هو عايش عشانها واللى يستطيع تحقيقها ..... ويكون ده سر تميز إنسان عن إنسان .... وده للأسف مشكلة جيلنا اللى شايف إن الحكاية كلها مجرد دراسة و فلوس وبعدين جواز وخلفة والموضوع يخلص على كدة ... لازم تنطلق بعربيتك لحلمك ....
علشان يوم ما ربنا" سبحانه و تعالى"
يسألك تعرف ترد
أنا هجاوب .. وهقول فكرتى ... بإختصار وبساطه " على غير عادتى"
تصور إنك عندك عربية....
العربية دى محتاجة :
موتور جامد "كام ألف" سى سى...
كاوتش كويس..
بطارية علشان تدور بيها ...
فوانيس ...
مساعدين علشان المطبات...
وأحيانا تحتاج تظبط العافشة...
محتاجة صاج متين...
وتخش الفرن تاخد دهان ميتاليك
ومحتاجة البنزين اللى هتدور بيه...
ممكن إزاز كهربا....
وأبواب بتقفل أوتوماتيك" على قد لحافك"
ومساحات و فوانيس شبورة و جنوت سبور وأى تراويش ممكن تحطها...
لكن ف النهاية............ أكيد إنك مش بتعمل ده كله علشان تركنها ف الجراج
الهدف الأساسى............... إنك تدور العربية وتروح بيها مشوارك
كذلك الإنسان
محتاج جسم كويس : علشان كده بناكل ونشرب وننام و.....و.....
عقل كويس : علشان كده بنتعلم ونقرا ونسمع ونفهم و ..... و......
حياة روحية" أساسية": بنعبد ربنا "الأشكال اللى فاتت كمان عبادة لربنا"ونصلى ونصوم ونزكى و نعمل عمرة و.. و...
حياة عاطفيه : فبنحب ونتجوز ونخلف عيال و.... و....
حياة مادية: بنورث فلوس او نجيبها من شغلنا
لكن ف النهايه................. احنا مش ممكن نقف عند كده وما اعتقدش إن ربنا خلقنا علشان كده بس
لازم يكون لكل واحد مننا هدف وتكون الحاجات اللى احنا قولنا عليها هى الشىء اللى هيخده ويروح بيه لهدفه
لأن كل الحاجات اللى انا قلتها ديه "أى انسان " ممكن يعملها بل بالعكس أى مخلوق تانى غير الإنسان يقدر يعملها بل هو بيعملها فعلا
لكن يبقى تفضيل ربنا للإنسان عن باقى المخلوقات فى الهدف والقيمة اللى هو عايش عشانها واللى يستطيع تحقيقها ..... ويكون ده سر تميز إنسان عن إنسان .... وده للأسف مشكلة جيلنا اللى شايف إن الحكاية كلها مجرد دراسة و فلوس وبعدين جواز وخلفة والموضوع يخلص على كدة ... لازم تنطلق بعربيتك لحلمك ....
علشان يوم ما ربنا" سبحانه و تعالى"
يسألك تعرف ترد
هناك ٣٨ تعليقًا:
انا متفق معاك جدا واكيد مش كل حاجة الفلوس او الجواز........ فى قيمه أعلى و أغلى للحياة
ازيك يا سي السيد
انا احمد من فلسطين
مدونة جامدة جدااااااااا
لكنك ناسى القدس اللى هى ف قلبنا كلنا وكانت ف قلب عبد الناصر اللى انت بتحبه
جميل والله البوست يا شبل بيه !!
جديدة عليا فكرة العربية دي ...
إنت ملاحظ التصويت اللي إنت عامله نتيجته إيه؟؟
أنا عمري ما شفت إن التفلؤل موجود ف حد غيري ... إلا انهاردة
حطيتك عندي جنب السبرتاية
جميلة اوى بجد
والمثال المذكور اكثر من رائع
بجد انت كتاباتك جميلة اوى
تحياتى ليك
مدونه هايله يا شبل واسعدنى اضافتك لمدونتى واحب اقول لك انه رغم حبى الشديد لعبد الناصرومعاركه الخارجيه واعطاء معنى للكرامه(للمصرى خارج مصر) الا انه لم يحقق الاشتراكيه الحقيقيه وانما ابدل الملك وطبقه الفساد بالبيرقراطيه والضباط لانى اؤمن بان الاشتراكيه تاتى من الجماهير وفقط وليست هيبه من الحكام والذى يثبت ان الاشتراكيه فى عهد عبد الناصر ليست كامله هو اعدام البقرى والخميسى لانه اضربوا عن العمل اى اشتراكى هذا الذى يعدم العمال لاضرابهم
ساعات بتشوف ان الحياة مش لازم تدور ...المتعة في انك تلاقي متاهة تعلق فيها وتخرب دورانها....متاهة تحسسك بالضيا وبالمتعة ......هي دي فايدة الحياة.....عشان لما تموت تكون جربت كل طعم ليها....
جميلة اوي التدوينة
جميل جدا تساؤلك
لكن ايضا اجابته سهله كمنطوق لفظي
المهم الاخلاص
اجابتك تجدها في قوله تعالى:
"وما خلقت الجن والإنس إلا ليعبدون"
الغاية من خلق الانسان في الارض هي عبادة المولى عز وجل
المهم بقى ان كل انسان يكون فاهم
كيفية العبادة صح
مش انها صلاة وصوم وزكاه
لا العبادة الصح
في انك تكون متوجه للرحمن وتبتغي مرضاته في كل شيء بتعمله
في اكلك وشربك
وتعليمك وزواجك واولادك
هي دي القيمة اسمى قيمة ممكن يضعها الانسان هدف لحياته
يعني عبادة ربنا ليست جزء من عملية الاعداد البشري متمثل في الاعداد او البناء الروحي
ولكن عبادة ربنا هي الغاية والهدف الاسمى لحياتنا
دا المفروض
لكن كحديث من ارض الواقع ومن الكائن فعليا
اقولك انك عندما تساءلت لم تكن منصفا
او بالاحرى فان سؤالك موجه لقطاع محدد جدا من الناس او من المجتمع على اساس
انه تساؤل مجتمعي
او بمعنى اخر فان سؤالك اجابته تكون افتراضية لدى الغالبية قياسا على ما اعطيت انت من معطيات
فكثير من الناس ستجد واقعيا ان هدفهم الاعلى والاوحد هو ان يستطيعوا توفير قوت يومهم الذي عددته انت انه فعليا موجود كعنصر مساعد فاليوم اصبح غاية وهدف مهم وسامي جدا
كذلك التعليم
والقراءة
والزواج
والعبادات الغالبية ممن يؤدونها يؤدونها بشكل ميكانيكي فقط لا غير
الكثير من تلك الاشياء تعد لدى كثيرين
شكل من أشكال الرفاهية
يستكثرون على انفسهم ان يضعوها هدفا او حلما تكون لديهم القدرة على تحقيقه
ربنا هيسألك فيما أفنيت صحتك ووقتك ومالك
تفلح بإذن المولى عز وجل ان كنت قد افنيتهم في عبادته وابتغاء مرضاته
مخلصا لله وحده
لذلك فالعبادة باخلاص في كل مناحي الحياة هي اسمى قيمة
ان تستطيع ان تجعل من تناولك طعامك عبادة
ومن تعاطيك علمك عبادة
ومن زواجك وانجابك عبادة
اسفة جدا للاطالة
كلامك جميل وتعليقك رائع..... ويمكن ده علشان انتى سمكة
انا سعيد انك دخلتى على مدونتى وعجبتك
ما علينا:
انا سعيد قوى بكلامك ده
والآيه الكريمه اللى انت ذكرتيها هى اللى كان بيدور حواليها كلامى لكن حسب فهمى لعبادتنا لربنا " سبحانه وتعالى "
اما انك قولتى ان فيه حاجات انا اتعاملت معاها كما لو انها واقع بالنسبه لناس معينه زى الفلوس مثلا
انا عايز اوضحلك النقطة دى ..
جايز في ناس عربيتهم بتكون مش جاهزة وجايز ياخدوا عمرهم كله وهما بيجهزوها لكن المفروض وهما بيجهزوا فيها يكونوا عارفين هما بيجهزوها ليه يعنى مثلا عايزين الفلوس ... ليه طب الجواز ليه .. وعلى فكرة ممكن العربية تتحرك وهى مش كامله تماما يعنى مثلا ممكن تكون الكاوتشات نايمه او الفانوس مكسور...
يعنى ممكن ببساطة تسعى لتحقيق قيمة وهدف وانت لسه مجهزتش عربيتك الاجابة نعم اه ممكن والامثلة عى كدة كتير واهمهم ان كتير من الصحابة ما كنش معاهم اموال ضخمه ولا هى كانت هدف ولا غايه كمان فى علماء كبار ف الدين متجوزوش غير متاخر زى احمد بن حنبل لكن كان رايح لهدفه ومفيش حاجه عطلته.......
انت عارفه هى دى مشكلتنا كلنا ان احنا بصين تحت رجلينا علشان كدة كل الضروريات اللى هى بتاعة العربية حتى دى مبنعرفش نعملها لكن لو بصينا لقدام كل ده هيبقى سهل وبسيط.....
وهو ده عبادة ربنا بمعنى شامل واوسع من العمرة او الحج بس .. وعبادة ربنا انا اتعلمتها من حياة الرسول " صلى الله عليه وسلم " والحابه.......
وانا ما انكرش ان قد يكون كلامى المقصود بيه فئة معينه بس بحكم حياتى انا وسطهم
وياريت اكون قدرت اوضحلك قصدى
ايه يا باشا الافكار الجميله دى
بوست شديد
والمدونه جميله يا سيد بيه
سعيد بمرورك الدائم
سيد ميرسيه على زيارتك مدونتى ودعوة الزياره كمان
بس مدونتك حلوه
انا نفسى اقراها كلها
بس للاسف وقتى صغير جدا
فمع نفسى بقى كده
واستنانى كتير بس والله الايام دى معرفش ظروفى صعبه جدا
المهم مبروك المدونه ودخولك عالمنا الجميل واتمنى انك ما تخرجش منه
وهستناك فى مدونتى
لم نختلف كثيرا
وصلنا لنفس المعنى تقريبا
ان الانسان المفترض انه في كل خطوة من خطوات الاعداد يكون بيفكر فيها كوسيلة توصله لغاية اسمى وهدف اعلى
مش المفروض ان يحبس قدراته وعقله
في حدود تحقيق الادوات المساعدة للحياة
ما اختلفناش كتير
لكن انا حبيت بس اقولك ان الوافع اللي بيفرض نفسه حاجة
والمفروض حاجة تانية الواقع الحالي هو ناس مطحونة ليس عندهم رفاهية الخيار للنظر تحت الاقدام او للامام عقول مجهدة ومحملة بالاعباء ولا يخفى عليك الجو العام سياسيا واجتماعيا وما يفرضه
من معطيات تضعك في دائرة لا تستطيع التحرك الا داخلها
الحرية مفقودة مغتالة حتى حرية الفكر والتأمل وحرية الحلم
هذا غير أن البناء الروحي من الاساس بيكون غير متكامل
وانت اشرت له في كلامك بالعبادة
او ان اصبنا المعنى اكثر نقول الايمانيات
الانسان المؤمن كل تلك الاعدادت اكتمالها او انتقاصها لا يؤثر في ارادته وتمسكه لتحقيق غايته
ولا خير ممن ذكرت انت كأمثلة مثل الصحابة رضوان الله عليهم والامام ابن حنبل
وهم خير دليل على تعليقي الاول
ان اسمى غاية وقيمة هي العبادة
استحضار نية عبادة المولى عز وجل ومحاولة نيل رضاه سبحانه وتعالى في كل مسلك نسلكه
نهايةً
متفقة معك تماما ان كل انسان لازم يكون له هدف من حياته
بس لازم هدفه دا نهايةً يتوج بغرض واحد
هو تحقيق الغاية من خلقنا
ألا وهو العبادة
وشاكرة لك جدا الاهتمام بالاستفاضة في الرد
وسعيدة جدا للصدفة التى اتاحت لي التعرف على فكرك من خلال مدونتك
وعلى فكرة دي ثاني مرة ادخلها بعد مرة التعليق الاول
قرأت تعليق لك في احدة مدونات أصدقائي
وكنت انت اسما جديدا بين المعلقين بالنسبة لي
فاردت اكتشاف عقل جديد
يعني انا يعلم ربي اني لم احاول ان اقوم بعمل شات معك نهائيا
احنا... اولاد النهارده
سعيد جدا لدخولك مدونتى واتمنى تواظب على زيارتها......
وعاجبنى جدا موضوعك بتاع يوم القيامه
سندريللا....
لازم اقلك انى فرحان على " ميرسيه" ديه
---------------------------------
وشكرا .... انك نورتى بجد مدونتى واتمنى تلاقى الوقت اللى تقريها فيها لانى بجد هعتز برايك جدا
ماعلينا
انا موافقك ان اسمى غايه هى العبادة.....
لكن هو بس يعنى ايه .. العبادة؟
مش هى الصلاة او الصوم بس ... هو هدف خاص بكل واحد فينا وهو بس اللى يمكنة تحقيقة......
علشان كدة تجدى ان كل واحد من الصحابة حقق شىء مختلف عن غيره.....
وممكن العربية تتحرك زى ماقلتلك وهى مش مكتمله .....
واو موضوع جامد عجبنى جدا توصليك للمعلومه عن طريق امثله انا بحب الاسلوب دا
انا عايزك تعملنى حاجه على فكرة هبقى اقولك عليا بعدين
اه نسيت اقولك انا عايزك تدينى امثله ايه الاهداف او لاحلام الى من وجهه نظرك شايفهها انها تعتبر تميز
نجوان
نورتى المدونة
والله مش بهزر المدونة فعلا نورت
هستنى تقوليلى عايزانى اعلمك ايه!!!!!!!
وانا مستعد طبعا لو كان ف امكانى.....
ممكن يكون هدفك مثلا قيمة فكرية " زى ابتداع نظرية جديدة او اسلوب حياة جديد يساعد الناس....مثلا انا نفسى الناس ترجع للزهد ف الدنيا شويةاو عدم الخوف م الموت بالطريقة اللى موجودة دلوقتى وان احنا ننظر للامور بشكل واسع مش نظرة ضيقة..... طبعا دى مش بدعه بس احب اركز غليها.... ممكن تحاول انك تساعد اللى حواليك على انهم يفكروا كبنى ادمين مثلا ويكون لكل واحد منهم قراره يكون انسان حر.... هدفى مثلا انى اساعد الناس الغلبانه لانى بشهر اننا كلنا فقراء لخالقنا والمال اللى معانا هو ف الاصل بتاعه" سبحانه وتعالى".... اتمنى اساعد أطفال الشوارع بالتحديد وبشكل واسع مش ضيق زى ما بتعمل بعض الجمعيات الخيرية دلوقتى....
اتمنى انى اصحح علاقة الناس بربنا حسب مفهومى الشخصى لعبوديتنا لربنا وحسب ما فهمتها من حيلة الرسول والصحابة... اتمنى انى اسيب للناس اراء تفيدهم ف قراءتهم لحياتهم والدنيا اللى حواليهم" اتمنى اهدم كل الاصنام اللى حوالينا اولها مثلا ان كل الناس ما بتدرسش الحاجة اللى بتحبها لان الكل لازم يدخل طب" ده مثال شخصى شوية... واتمنى اقول لكل المفكرين واصحاب الراى مش ممكن يكون عملكم انكم بتفكروا وتقولوا رايكم بس لازم تعملوا عمل فيه انتاج مادى" صناعه تجارة زراعه طب" اى عمل انتاجى.... فى النهاية ليه هدف هو انى افارق الحياة وانا ابتسم دة مش هيكون غير لما اقدر اساعد الناس المحتاجة " الغلابه" اللى حواليا سواء ماديا او انسانيا... واللى " الغلابه" فكريا كمان.... وده لما يحصل هحس انى رضيت ربنا سبحانه وتعالى وده اسمى هدف عندى انى اكون زى ما ربنا عز وجل عايزنى اكون.....
على فكرة فيه حاجات تانيه كتير بس انا بجد تعبت م الكتابةولازم اقوم عليا كورس ف الكليه
هستنى زيارتك تانى.... نورتينى بجد
الله يكرمك
كلامك مظبوط
بس الواحد يرجع يقول انه مهما كان ليه سقطاته اللي بتأثر علي كل الحاجات ديه
بس الشاطر الكميل اللي يقوام و يقوم
يقف علي رجله و ميستسلمش و يسيب العربيه في الجراج لحد ما البطاريه تنام
عجبنى اسلوب الشرح المبسط والذى لم يخل من تحليل دقيق وواف
حلو قوى موضوع العريبه ده
ماكنتش فاهماه الأول لكن عرفت الصله بعد كده
هاخد لفه جوا مدونتك لو تسمح
:)
كوكاوى
سعيد قوى بزيارتك لمدونتى واتمنى تواظب ع الزيارة.........
واتمنى نكون كلنا من الشطار اللى يقدروا يكملوا لحد ماربنا يوفقهم ويحققوا هدفهم
وينكى
الغريبه العجيبة.... اللى انا مش قادر افهم هى مع مين بالظبط
سعيد قوى لدخولك مدونتى....
وسعيد اكتر لان فكرتى وصلتك....
وامنى انك تلفى بس ما تدوخيش
.............
وسلام على طول السلام من هنا لدار السلام
هههههههههههههههههههههههههههههههه
انا جيت
يمكن متأخر بس انا بدخلش كثير المدونة
وبعدين انت شكلك مستعجل جدا
اصبر دايما احسن
مدونتك حلوة وان شاء الله بزورها دايما
كويس انك تفلسف حياتك بالطريقه اللذيذه
وجبت المثال
العربيه
كويس ربنا معاك
انا هدفى الاخروى الجنه
الهدف الدنيوى المؤقت
اعمل ديوان شعر واكتب عليه اسمى
سمر امام
انا جيت اهو يا سيد شبل...:) مدونتك جميله فعلا
عجبتنى اوى قوم يا بلدى.. ونفسى جدا انا كمان اعمل حاجه لاطفال الشوارع
بالنسبه للبوست ده
انا معاك انه لازم يكون فى هدف لحياتنا تساعدنا عليه العباده الصح الى مش تقضيه فرض والسلام
بس فى نفس الوقت لازم يكون عندنا امل عشان فى ظل الظروف المنيله الى احنا فيها منتخلاش عنه ابدا
سلامى يا شببل بيه :))
حلوة اوى البوست دى
عاجبانى الفكرة
ابقى تعالى باركلى صحيح
:)
هبقى مشهورة بكرة
ياسنين: فرحان بجد انك نورتى المدونةبتاعتى ......... انا مش مستعجل بس انت عارفه اول م الواحد بيكون بيعمل حاجة بيكون متحمس وعايزها تتم بسرعه
سمر:
والله والله نورتينى بجد.. وعلى فكرة الهدفين الاخروى والدنيوى ممكن يكونوا واحد انت ممكن تعملى ديوان شعر تدخلى بيه الجنه خللى فيه اتصال دايم بين الامرين طبعا مش معنى كدة انك تكتبي شعر دينى مباشر لكن ممكن انسانى اجتماعى او حتى رومانسى.. وتدخلى بيه الجنه...
شيماء:
شكرا انك زورتى مدونتى واتمنى انك تستمرى على كده...
انا مبسوط اكتر ان عجبتك قوم يا بلدى...
واتمنى اننا نتعاون فعليا ف موضوع اطفال الشوارع انا عملت مشاريع بسيطة قبل كدة لو حبيتى تعرفيها قوليلى
انا حرة: انا باركت لنفسى بجد ان عرفت انسانه زيك... وهجيب الكتاب من وسط البلد ان شاء الله
مشاريع ايه يا شبل
طبعااساعد.. قولى بسرعه
هستنى
بس فى ناس ماتعرفش تنطلق على فين اصلا وفى بينطلق ويعمل حادثة
عجبنى اوى تحليلك دة
انا قلت اجى أزورك يمكن تحن عليا وتكرر الزيارة D:
تحياتى
ايه يعم زعلان منى ليه انا فعلا بقالى كتير مدخلتش النت مشاغل بس اول مفضيت دخلت مدونتك وبجد حلوة وعاوزك تشيل من دماغك انك لازم تكون اشتراكى على شان اضيفك انا بجد بحترم كل صاحب راى مهما كان ومدونه جامده مره تانى
جيت اعزمك ع الحفله
اميرة ويلز: نورتى المدونة
نزلى انت بس بوستات جديدة وانت تلا قينى عندك على طول......
بس ياريت تقدميلى حاجة لما اجيلك المرة الجايه
...................
انت على فكرة لازم تنوعى الوستات اتكلمى مثلا عن نساء تشبه الامير ه ديانا.. فيه ناس كتير ممكن تكون حاولت تعمل زيها دورى عليهم واعملى بوست عنهم
غير معروف:
انا مش اشتراكى بالمعنى التعارف عليع او بالمعنى الحرفى للكلمه لان ده بيحصر فكرى وانا لا يمكن حصر افكارى وده اساس مدونتى لكن بشوف الاشتراكيه النظام المناسب لبلدنا وفيه فرق بين المعنيين
ثانيا:
انت معرفتنيش على نفسك
انت مكسوف ولا ايه
.............
مستتى تكتب اسمك
سلام
لا ياعم انا مش مكسوف بس بيتهيلى مكنتش اون لين ومتزعلش
اتكلمت كتير فى البوست بتاعك وقولن كلام حلو اننا مش لازم نعيش كده وخلاص وان كل حاجة بنعملها لازم تزصلنا للهدف الحقيقى فى الحياة
بس للاسف كنت مستنى منك انك تضرب امثلة بهو ايه الهدف فى الحياة ولكن كان كلامك فى الناحية دى محدود جدا: الهدف, الحلم, القيمة فى الحياة
مش المشكلة انى مستنى من حد يشرحلى ازاى يكون ليا هدف,, بس هو نوع من الفضول انى ادخل جوا عقلك واتمشى بين افكارك
وفى النهاية لما حد علق وقال حاجة محددة وقال "وما خلقت الانس والجن الا ليعبدون" مكنش حد يقدر يعترض.. بس مع التسليم بان العمل عبادة والزواج عبادة والانجاب عبادة وكلة عبادة والهدف هو العبادة,,,,,, يبقى احنا عممنا الموضوع لدرجة اننا رجعنا لنقطة البداية
تحياتى
إرسال تعليق