إضراب

الإضراب ممكن ما يفيدش

لكن عدم الإضراب أكيد هيضر

*****

تحديث .. جاء ف ردى على التعليقات

انا طول الوقت بشوف موبارك ..مش اكترمن اداه فى ايد الصهيونيه والتطرف الامريكى ... مش اكتر من عروسه ماريونيت بيحركوها بايديهم علشان يحتلوا البلد اقتصاديا واعلاميا وعسكريا ... وكنت "بفضل الله " من اول الناس اللى هتفت بيسقط عبد صهاينه وامريكان .... لذا قلت يسقط اسياده

....

لكن عندما تجد ان هذا التافه الذى حتى لا يملك قرار خيانة شعبه من عدمه ... وقد حوله البعض لسيد و اله يسعون لارضائه كالوزراء الخدم - و كلاب الداخليه"الذين هم بالمثل يعانون من القهر والفقر"- و ناس م الشعب العادى اصحاب مصلحه او مضحوك عليهم ...

لازم نقول يسقط عبيده

...

لكن ايه المقصود بكلمة يسقط موبارك ...

عمرى ما قصدت بيها سقوط الشخص نفسه ... لانه كانسان بالنسبه لى لا يعنى شىء انا بنادى و بسعى لاسقاط

(( الفساد والاستبداد و الاستغلال و التحكم والديكتاتوريه والشموليه و الطبقيه وعدم المساواه والتفرقه بنادى بسقوط الواسطه والظلم بسعى لمحاربة الفقر والجوع ))

.. بنادى بسقوط فكرة الحاكم اللى قاعد ف قصر والناس ف الشارع بنادى برجوع " عمر " اللى كان ثوبه ما بيوصلش لركبته وكان بينام ف الشارع بنادى بسقوط الحاكم .."إن الحكم الا لله " .. وقد ساوى الله عز وجل بين جميع خلقه ونهى عن اتخاذ بعضنا بعضا اربابا من دونه

مفيش حد متسلط طفيلى يتحكم ف الناس

بنادى بسقوط الخداع واذلال الشعب و الركوع امام المحتل بنادى بسقوط الصهيونيه والتطرف "الاحتلالى "الذى فى عصرنا امريكى....

كل هذا واكثر هو ما اتمنى سقوطه

...

و الحكايه ليس حكاية هذا العصر انما هو تراكم من الاخطاء منذ القدم من الاف السنين منذ ان عرفت البشريه حاكم ومحكوم .. ديكتاتور ومنساق و.. هكذا--منذ ان عرفت البشريه الاطماع منذ ان اصبح الانسان تابعا للماده تدفعه وتؤثر فيه

...

مررت البشريه بايام كان فيها العدل والمساواه و الحريه و الرحمه و لا تحكم ولا تسلط فى عهد النبى "صلى الله عليه وسلم " والصحابه "ابو بكر وعمر "رضى الله عنهما ... لكنها لم تستمر طويلا

اعرف ان الامر قد يبدو مستحيلا ولكن هذا ما اسعى اليه ..قد يوفقنا الله "عز وجل " لتحقيقه ف الدنيا ... وقد يؤدى سعينا اليه ف الدنيا الى تحقيقه لنا فالجنه فهى هدفى فالنهايه والبدايه