انا اعلن تضامنى مع اضراب يوم
6
ابريل
انا مع اى خطوه ايجابيه تساهم فى تحريك الناس واخراجهم من حالة السبات التى تسيطر عليهم من فتره طويله ...
كما ان انطلاق الدعوه * ف البدايه * من عمال يجعل للامر مظهرا فعاليا و ايجابيا وسيؤدى بالضروره الى مشاركة العديد من العمال الذين يمثلون شريحه * شبه معقوله * من الشعب المصرى
على العكس مما اذا كانت الدعوه صادره من حزب او حركه ما " فكل اعضاء الاحزاب والحركات قد لا يساوون نصف عدد عمال مصنع واحد " ... بالتاكيد ستسعى مختلف الحركات و الاحزاب و حركة " شباب احرار" منهم ... لتبنى هذا الاضراب ...
لكنه سيٌنسب ف الحقيقه الى القاعده الشعبيه بداية من عمال المحله وصولا لموظفى الضرائب العقاريه حسب ما قرات حديثا ...
عموما الامر وبرمته يعود الى كل فرد منّا على حده ... فعلي كل فرد التوصل الى رؤيته الذاتيه للامر
عن نفسى ... ساشارك ومن حولى من اقارب واصدقاء بالاضراب " عن العمل او الدراسه " او بالخروج فى مظاهره سلميه
ان امكن الامر
واعرف تماما انه اذا شاركت نسبه كبيره من الشعب سيحدث التغيير
" ولكنى ف الحقيقه لا اتوقع حدوث ذلك"
... بالتاكيد ستكون اكبر من تلك النسبه التى شاركت فى " حملة خليك ف البيت " لاختلاف من تولى الدعوه ...
ففى تلك الحمله كانت احزاب وحركات اما اليوم فهم العمال والموظفين ... كما ان الدافع اليوم هو
مواجهة
الفقر والقهر والفساد والغلاء والمطالبه بتدخل الدوله لضبط الاسعار
و ايضا من اجل استرداد كرامة المصرى الضائعه
وهذه الدوافع يشعر بها كل المواطنين باختلاف طبقاتهم و شرائحهم
*****
وساوضح لماذا اصرارى التام على المشاركه ... حتى اشعر امام نفسى التى تلوم على دائما بانى قد اديت جزءا من الواجب علىّ ...
حتى اجد ما اقوله غدا لابنائى ... و حتى اجد ما اقوله لله " عز وجل " عندما اقف غدا بين يديه
و ربما يخلف الامر كل توقعاتى وتشارك نسبه كبيره ف الاضراب ... وقد يؤدى ذلك لحدوث فارق
فلنشارك
" بالاضراب - التظاهر"
********
احــلم بغـدٍ افضــل لوطــنى
هناك ٨ تعليقات:
كلنا بنحلم ان مصر تبقى احلى بلد ويارب الاضراب يجيب نتيجه واكيد لازم كلنا نبقى ايجابين
تحياتى ولاء
صديقي العزيز
أكيد دي خطوه ايجابيه
كفايه ان مفيش حد في مصر كلها مايعرفش أن فيه اضراب يوم 6 أبريل وده في حد ذاته تطور رائع
أنا بالتأكيد متضامن مع الفكره ومع الاضراب
بس أنا عندي وجهة نظر مختلفه شويه وبالتأكيد أنتا عارفها
عموما
بدايه لا بأس بها
أه
بالنسبه لموضوع التحرير
دي وجهة نظري وأن شاء الله يوم الاحد هاكون هناك
بس لو لاقيت نفسي وحيد مش هقدر أعمل حاجه
تحياتي يا صاحبي
يا حلمنا الوسيع مللينا الانتظار
امتى؟امتى؟
هنحققه
شكرا يا سيد
معلش انا مش معاك يا شبل فى الحوار ده تفتكر هوا ده اللى هيخلى البلد تخفض الاسعار يعنى انت مع اضرب الناس عن العمل طب وبعدين والمريض والتعبان واللى بيموت مين يدواية مدام الدنيا اجازة واللى ليه مصلحه هيقضيها ازاى
انا افتكر زمان ايام السادات الناس كانت بتتشكى من الغلاء والانفتاح الاقتصادى اللى كان بزيادة وعلى عدم استعداد للمنافسة من ناحيتنا احنا المهم كان فيه مظاهرات اثرت اوى فى الحكم ساعتها واتسجلت فى التاريخ وفى الكتب المؤرخة
مظاهرات يوم 18 و19 يناير عشان لقمة العيش وجابت ساعتها نتيجة وخلت مركز الحاكم نوعا ما يتاثر من انه بطل الحرب والسلام الى انه الناس دلوقت منقلبة عليه
بس يا ريت ساعة ما نعترض ونعمل مظاهرة يبقى مسالمة من غير استغلال للموقف وتبقى ساحة مفتوحة للسرقات
سلام علسكم اخي شبل المحترم
اسف على تاخيري في دخولى للانترنت لكن هذا خارج عن ارادتي
ولكن كنت اتمنى انك كنت تسأل عني لكن مع الاسف لم يحدث
لكن قال رسول الله صلى الله عليه وسلم
التمسو للاخوانكم بضع وسبعين عزراً
فتقبل كل التحية والاحترام
اخيك فارس عبدالفتاح .... قومي عربي
ازيك ياشبل يارب تكون طيب
..
شبل انا لو مش هشارك في الاضراب ده لو انا من الفئة الي مفروض تعمله
عشان محدش هيسمع ولا هيبص علينا
وهنحس بالتفاهة بعد مانعمله لان محدش هيحس بينا
ده في اعتقادي
انا اسفة عارفة انك شايف الوضع بصورة تانية
بس انت اكيد ويايا ان محدش هيهتم ولا يستجيب للحركة دي
...
ويمكن كمان يلحقوا بينا بضرر اكبر
...
دي مش سلبية مني اعتقد دي بس فقدان امل في محله
لان مفيش حال هينصلح ولا اي حاجة
...
شبل ابقي قلي من فضلك اليوم ده هتعمل فيه ايش
ربنا يوفقك
فارس:
حمد الله على السلامه ... وتمنياتى لك بعوده طيبه
والله انا كمان كنت بعيد عن الحاسوب لفتره
تقبل تحياتى
هاله ودعاء:
انتوا يا جماعه قريتوا الموضوع كويس
هاله ... انتى قريتى انى انا مع المظاهرات جنبا الى جنب مع الاضراب
اللى يقدر يضرب عن العمل يضرب لكن اللى يقدر يخرج ف مظاهره ياريت .. ده هيبقى اكثر ايجابيه ... بس ف نفس الوقت مقدرش ابدا اوصف اى حد هيضرب بس انه سلبى اطلاقا
مين اللى قال ان الاطباء يعنى "" بالتحديد وكأن مفيش مهنه غيرهم "" لازم يضربوا
كل الشعب يضرب باستثناء المهن اللى متعلقه بحياة الناس
والشباب اللى يقدر يخرج منهم ف مظاهرات يخرج ...
مين اللى قالك يادعاء ان محدش هيبص علينا
لو كل الشعب اضرب هيحدث فرقا كبيرا.. لكن هى فعلا " وده انا قلته " مش نسبه كبيره اللى هتشارك "" بس ابداى بنفسك .. اعملى اللى ممكن انتى تعمليه مش اللى ممكن الناس تعمله
يادعاء الانسان لما بيكون ضعيف بيشوف اى حاجه بيعملها ضعيفه زيه
وانتى مش ضعيفه ابدا
انا عن نفسى باذن الله هشارك "مع اعضاء الحركه" ف مظاهرة موظفى الضرايب العقاريه.. غالبا ...
يادعاء انتى اللى ممكن تحسى بتفاهة عملك او لأ .. مش حد تانى اللى هيحس بالنيابه عنك
اعملى التصرف الايجابى اللى انتى مقتنعه بيه ... فاهمانى طبعا ؟؟؟
يا هاله : انا مع انتفاضة 77 وياريت تتكرر بس مش هتكرر واحنا بنهاجم اى تصرف ايجابى مننا ... انزلى الشارع فيه مظاهرات هتطلع ف القاهره .. وفيه ف المحله اصحاب الدعوه .. حوليها انتى للى انتى عايزاه .. لكن مش ممكن تهاجمى وبس ...
مين اللى قال ان السادات او غيره بطل حرب
بطل الحرب هو الجندى اللى عبر لا سادات ولا عبناصر
هو الضابط اللى استشهد هو الطيار .. هو المدفعجى...
ومين اللى قال ان كامب ديفيد دى سلام ده ف رايي منتهى الاستسلام
بحترم رايك .. لكن بحترم رايي انا اكتر
اتمنى مشاركتكم الدائمه
ياجماعه اول مشاركه الشعب كله كله يتلم عليها .. كل الناس سمعت عنها
ناس كتير هتشارك
اول حاجه الناس النايمه تصحى عليها
انا قاعد دلوقتى ف سيبر فيه طفل بيكلم ابوه عن الاضراب
معقوله احنا نهاجمه ؟؟؟؟؟
خخخخخخخخخخ
الشعب نايم وشادد اللحاف
إرسال تعليق