٢٨ يناير ٢٠٠٨

كلمات


العنوان
" مجاهد وف قلبى جيتار"

" وبناضل ويا الاطفال "

*******
كن ملاكا فى ذاتك ... و بشرا بين البشر



*******
شعارى
الجـــوع ولا الركــــوع


لما بيتقللى علشان انت مدقتش مرارة الجوع
بصدق
*******

هى السياسه ... ايه؟
" بالنسبة لى ؟"

اولا .. الشرعيه
ثانيا ..
اقدر اساعد الناس البسطاء الغلابه
على شكل اوسع
اخيرا .. المعارضه

*******
كلما رقى الفنان ورقيت رسالته .... كلما استهان بمخاطبة الغرائز

كلام ف الفن

*******
الغرور
صفه لا يتصف بها خسيس او جبان

تحديث.. 5\5\2008
خاننى التعبير عندما كتبت لفظة الغرور ... كنت اقصد الكبرياء او عزة النفس التى يفسرها البعض على انها غرور


*******
لكل النقاد و الحساد
لكل المنتقدين و المتفيقهين
المجد فقط لمن فى الميدان
السيد شبل
ولكل من يحرفون تخاذلهم بالكلمات
السيف اصدق انباء من الكتب
ابو الطيب المتنبى
*******
الغيره = ضعف
وعدم الغيره = رضا بالفشل


*******

ديكتاتورية


المشكله فى إستحالة ارضاء "الكل" ... ان يكون "للكل" الفرصه ف التعبير عن عدم رضاه

*******
*******
س : هل المؤمن موفق ؟
ج : نعم
لكن الله " عزوجل " يبتليه بين الحين و الآخر
حتى تترسخ فى نفس العبد ان عبادة الله لابد ان تكون خالصة " لذاته " وليس الهدف منها حدوث التوفيق
لذا فاكثر الابتلاء يحدث للعبد الذى يحبه الله ... فهو " سبحانه " يريد لعبده ان يرتقى

*******
*******

ابتسم قبل ان ترحل

هناك ٤١ تعليقًا:

sahr يقول...

كن ملاكا فى ذاتك ... و بشرا بين البشر
بوست جميل عجبني بجد
وبسجل اعجابي بالمدونه هايلة
سلام

ا بـن عــمــر يقول...

السلام عليكم
سأرد على تعليقك على فى البوست السابق
أولا.عندما تريد أن تقنع أحدا بوجهة نظرك تكلم بمنطق وبموضوعية ولا تلقى التهم وتهاجم هكذا
ثانيا.أنا ذكرت لك حديث الرسول"لاتتمنوا لقاء العدو" ولم أقصد منه أننا جبناء ولكن فقط لانتمنى هذا اللقاء واذا كان اللقاء فسنقاتل بقوة وشجاعة كل بقدر ايمانه
ومن قال لك أن الصحابة كانوا يتمنون لقاء العدو ولكن هم يحاربونهم بكل شجاعة عندما يكون هذا اللقاء
ثالثا.لقد ذكرت الأفلام والمسلسلات وسماع الأغانى بالذات لأنى أقصدك أنت بها فقد قرأت فى بروفايلك العديد من الأفلام التى تشاهدها وقصدت أن أنصحك لله ولكن بطريقة غير مباشرة حتى لأجرح شعورك ولكنى وجدتك تستهين بهذا ولذلك أقول لك لاتستهين بمعصية مهما كانت صغيرة فى نظرك فهى عند الله كبيرة وأنا متأكد من أنك تعرف أن هذه الأشياء حرام وتفعلها وتريد أن ينصرنا الله وتتكلم عن الحرب والشهادة
ألا تعلم قول الله عز وجل"ان الله لايغير مابقوم حتى يغيروا مابأنفسهم" لو ترك كل منا ذنوبه ومعاصيه حتى الصغيرة التى يفعلها سينصرنا الله وساعتها سنثبت . فى النهاية أحب أن أقول للك جملة واحدة
(عز الأمة يبدأ بمقاطعتنا للذنوب)

السـيد شبـل يقول...

وعليكم السلام ورحمة الله

انا ارى اننى تكلمت بموضوعيه ومنطق ولم اقصد مطلقا توجيه اهانه لك " واتمنى ان لا تفهم الامر بهذا الشكل "

اولا: هذا ليس مجالا لان اعد ما قلته عن فكرة لقاء العدو
ببساطه : لما حد يتعرض بالايذاء لاختك الصغيره اليس من الواجب والمفروض ان تتمنى لقاؤه ورد العدوان الذى وقع عليك ...
الصحابه كانوا لايتمنوا لقاء العدو ... بمعنى انهم لايتمنوا ان يخطىء احد فيهم حتى لا يضطروا الى لقاؤه
-------------------------------
بالنسبه للجزء الثانى :

انت تراها معصيه وانا لا اراها كذلك
و"اقصد نوعيه معينه من الافلام"
انا لا ارى ان الناصر صلاح الدين - جميله ابو حريد - الرصاصه لا تزال فى جيبى - او الافلام الاجتماعيه التى تدور حول "المقهورين بداخل المجتمع الاستغلالى" - او الافلام التى تخاطب العقل الانسانى
لا ارى هذه النوعيه حرام من حيث المضمون الفكرى
وان وجد بها بعض اللقطات " الاباحيه " فانا بالطبع ضد تلك المشاهد ولكن اذا امعنت قراءة الافلام" ولكن للاسف انت لن تعرف معظمها" التى اشاهدها ستجدها نادرا ما تحتوى على تلك المشاهد

وذلك لانى ارى انه كلما رقى الفن ورقيت رسالته كلما قلت المشاهد التى تخاطب الغرائز

ولا ارى ايضا ان اغانى الشيخ امام " حرام" اغانى نضاليه تحث على الكفاح والثوره على الظلم

عموما وقانا الله شر الاستهانه بالمعاصى و هدانا جميعا الى الرشاد
.......................

paranoia,magnetic & dramatic girl يقول...

ازيك شبل
انا ليا عتاب عليك
انت ليه منشرتش تعليقي الي فات؟
رغم انه مكانش فيه اي اهانة او تجريح لك
ولا اهتميت انك ترد عليا؟
انا قلتلك قبل كده لو حسيت اني بتجاوز حدودي معاك قلي
لكن كنت اتمني انك ترد عليا وتهتم

الله حافظ
دودو

السـيد شبـل يقول...

ابدا يا دعاء انا قريته والله
و انت عارفه انا قد ايه بهتم برايك
بس والله المدونه عندى كان فيها مشكله كبيره النهارده لا كنت عارف اكتب حاجه ... ولا كنت عارف ادخل من الاصل
والله
انا توقعت ساعتها انهم قفلوها ... علشان يمكن كنت جرىء زياده

بالنسبه لكلمة
" يرضعون الاطفال """ بدلا "" من زوجاتهم
انتى ما خدتيش بالك من "بدلا"

الام بتقدم افضل واعظم واروع شىء لما بتسقى ابنها الحنان الحب والجراه و الشجاعه "" اثناء ارضاعه "
لكن عندما يقوم بهذا الدور الرجل "" بدلا "" من زوجته اعتقد ان ده غلط كبير

هو ده اللى اناكنت اقصده ... والله

السـيد شبـل يقول...

سحر :
شكرا على الزياره
بجد نورتى

غير معرف يقول...

سلامى لدماغك الجامده

هما الناس اللى فوق دول بيتكلموا عن ايه ؟؟؟؟

السـيد شبـل يقول...

محمد حسام :
شكرا
دول بيعلقوا على " موضوع الحرب هى الحل "

السـيد شبـل يقول...

تعقيبين على كلمات :
لماذا احب نضال الاطفال ؟
لان الطفل يعرف عدوه ببساطه ولا يدخل ف المتاهات التى ندخل بها نحن ... اسرائيل تعنى عنده الشيطان ... امريكا ام الشيطان
بيحب فلسطين ... بيحب الناس الغلابه بتوع فلسطين ... بيزقل عدوه بالحجاره من غير ما يسال عن جدوى المقاومه والكلام الملخبط ... يعرف ان اللى يموت وهو بيحاول يموت صهاينه يبقى "" شهيد "" عمليه انتحاريه او غيره

بيكره مبارك اللى موجود ف عصره ... لما تساله بيحب ناصر و لا السادات ...
يرد يقول :
يقللك تحيا مصر ... بيحب مصر

بيغنى وطنى حبيى الوطن الاكبر ف الطابور
وميعرفش ان فى خناقه بيم القوميين والاسلاميين
هو اصلا ميعرفش الناس دى مين ولا بتتكلم عن ايه
هو عرف ان وطنه امه بيته اسرته عيلته بلده.. مصر.. الوطن العربى.. بنى ادمييين

وبيحب ربنا وبيخاف منه وبيصلى زى ما عرف عن الرسول" عليه الصلاة و السلام" ... وبيؤدى فروضه
وما يعرفش مين السنه ومين الشيعه
يعرف مسلمين .. وبس
وبيضايق لما اى مسلم يدبح وهو بيتفرج على نشرة الاخبار

هو ده نضال الاطفال
-------------------------------
الصوره اللى منشوره ف كلمتى " الديكتاتوريه " للفنان عاطف زورمبه بعنوان عظمة الكرسى
-------------------------------

غير معرف يقول...

حلوة الكلمات

كن ملاكا فى ذاتك ... و بشرا بين البشر

يمكن!!!

سلامى

paranoia,magnetic & dramatic girl يقول...

انا جاية اصالحك
ينفع؟؟
بس هعقب الاول علي البوست بتاعك وبعدين نتصالح
.....
انا بحب اوي نضال الاطفال لانه بيرسخ جواهم من الصغر الشجاعة
وكمان بيبقوا صادقين اوي في نضالهم علي عكس بعض الكبار الي ممكن يجاهدوا رياء للناس
....
الغيرة ضعف امممممم مرات لما بتزيد عن حدها هي احسن حاجة الوسطية
بس في غيرة مينفعش فيها وسطية
زي الغيرة علي الدين والعرض
.....
اني ابقي ملاك مع نفسي وبشر بين البشر
واو دي صح اوي ولازم كلنا نعمل كده
خاصة ان الملايكة مش بتسكن الارض الوقتي
.....
يلا هصالحك مستعد؟؟؟
ههههههههه
انا اسفة بجد ياشبل انت جبت الحق عليا
بس والله خفت يكون تعليقي ضايقك ومسحته ومحبتش ان رأي يحذف
كمان الي ذكرته لك بيضايقني اوي ان اشوف حد بيهين المرأة وهو مش حاسس
فحبيت الفت انتباهك بس انت طلع قصدك كويس..بس برضه منشبهش الراجل بالست بلييييز
انا غيورة اوي علي اي حاجة تخص المرأة
الغيرة في ده مش ضعف ها؟
انت معاك حق كان ممكن اقول ده في ايميلك مش هنا:((
.....
بس انت خلاص وضحت الي حصل..يبقي نقول حصل خير والصلح خير
ربنا يخليك ايه الكلام الجميل ده كله..
ربنا يكرمك ياشبل
انا خلاص فهمت الي فيها
....
انت ليه عاجبك اني مش عاوزة انجب غريبة دي؟؟؟كل الي بيسمع ده مني بيقلي انتي غريبة..ليه ده عجبك بجد؟؟؟
اسفة طولت اوي
ممكن لو حابب تحذف التعليق ده لانه شبه شخصي اوك احذفه مش راح ازعل
الله حافظ
دودو

غير معرف يقول...

الغيره = ضعف
عدم الغيره = رضا بالفشل

السيد شبل = دماغ عبقريه

السـيد شبـل يقول...

شيماء:
شكرا لتعليقك ... وسعيد بجد انها عجبتك

بصى
لازم الانسان يكون ملاكا ف ذاته لانه هيخسر كتير لو انه كان شرير او وحش قدام نفسك ... وف نفس الوقت يتعامل بقانون البشر

الملاك ده تعبير مجازى عن الطهاره

السـيد شبـل يقول...

دعاء :
انا مقدرش ازعل منك

على الفكره الغيره اللى انا اقصدها
" الغيره من النجاح "
يعنى ان حد يغير من تفوق او تميز حد تانى
مش غيرة محبين
--------
انا بشوف ان الناس بقت مستعجله على الانجاب بسرعه ... انا نفسى احب واتجوز بس ما جيبش اولاد بسرعه كده
الناس بقت عايزه كل حاجه بالمسطره الماديه ف كل صورها خنقت الحياه

وبعدين اصلى بكره المسئوليه بصراحه فمش متصور انى هيبقى عندى اولاد وهبقى مسئول عنهم
عموما اكيد ده هيتغير قدام " على راى امى "

فعجبنى ان رايك من رايي

شكرا لمتا بعتك واتمنى ان تستمر دايما

الله حافظ

اخوكى شبل

السـيد شبـل يقول...

توته :
شكرا ... نورتى بجد

Najwan يقول...

واو واو واو بجد جاااااااااااااامد جدا وخصوصا كنت ملاكا في ذاتك وبشرا بين البشر
وكمان الجوع ولا الركوع حلوة جدا
بتاعه الغيرة جامده طيب الواحد يعمل ايه يغير ولا ميغرش
والاجمد بقى ابتسم قبل ان ترحل
بجد من اجمل البوستات الى قرتها

Najwan يقول...

واو واو واو بجد جاااااااااااااامد جدا وخصوصا كنت ملاكا في ذاتك وبشرا بين البشر
وكمان الجوع ولا الركوع حلوة جدا
بتاعه الغيرة جامده طيب الواحد يعمل ايه يغير ولا ميغرش
والاجمد بقى ابتسم قبل ان ترحل
بجد من اجمل البوستات الى قرتها

paranoia,magnetic & dramatic girl يقول...

ازيك ياشبل
شكرا اننا اتصالحنا
انا كمان مقدرش اتحمل مسؤولية حد انا كفاية عليا نفسي يادوب
وكمان حاسة مش هعرف اربي اولادي وهيكونوا معقدين
انا عاوزة لو انجبت احبسهم ومطلعهمش بره البيت عشان ميختلطوش بالبشر ويفسدوا وبما ان ده صعب حدوثه يبقي عدم الانجاب افضل
كل الي يسمعني اقول كده يقلي بس متمنعيش قدر ربنا السما تكون مفتوحة
.....
بس انا جيت اسلم عليك وامشي يارب تكون بخير
الله حافظ
دودو

MKSARAT - SAYED SAAD يقول...

عزيزي السيد شبل
بوست جميل به مجموع من العبارات فعلا الجميلة
هدوء الصور بين العبارت لم يضعفها بل زادها اتقان احيك على ذلك
سيد سعد

د/اجدع بنوته يقول...

حلو اوى شعارى الجوع لا الركوع دى

بس يمكن لو جربت تموت م الجوع هتتبنى راى اخر

عندى تاجيت لحضرتك لو ينفع تتفضل تاخدهم

تحياتى

Unknown يقول...

ازيك يا دكتور
معلش مقصر معاك شويتين
بس البوست ده جميل جداً ومختلف
تحياتي

غير معرف يقول...

كن ملاكا فى ذاتك ... وبشرا بين البشر
روووووووووووووووووووووووووعة ... بجد رووووووووووووووعة ... مش عارفة اقولك فضلت قد ايه ادام الصفحة ديه بقرى الجملة ديه .... سواء عندى لما كتبتها أو عندك

جملة معبرة جدااااااااااا

مدونة حلوة اوى .. استئذنك ابقى اضيفك عندى

walaa يقول...

السلام عليكم
بجد بوست رائع لا مجامله
تحياتى ولاء

paranoia,magnetic & dramatic girl يقول...

شبل صباح الخير
انا جاية بس اطمن عنك انت لك فترة غايب يارب يكون خير
ربنا يحفظك
دودو

دكتور حر يقول...

ايه يا ريس الغياب ده كله

انا قلت ابعتلك انذار المره دي

بس ايه الكلام الجميل ده ربنا يكرمك ويوفقك يا رب

بجد كلمات جميله

Ahmed Al-Sabbagh يقول...

صديقى العزيز اللى ما بشوفوش بقالى كتير

ازيك

انا بحسدك على التنوع ده اللى فى مدونتك

بس انا جيت بردو لقيت خناقة اهو

:) ههههه

انت مدعو للاجابة على "تاج الصباغ" بس شكل الدعوة ما وصلتكش

انا يهمنى رأيك

لان دايما رأيك بيبقى قوى

لو وقتك يسمح - هنتظر اجاباتك

تحياتى

احمد

غير معرف يقول...

احب ان اسجل اعجابى بكتاباتك الرئعه ... بل الاكثر من رائعه

إبـراهيم ... يقول...

حـقًا .... سعدت بالتعرف عليك ...

مصـادفـة حلوة جــدًا السيد ...
.
.
ومدونة غير عادية ...
وفكر أحبه وأحترمه جـدًا
.... وربما أتفق مـعه


خالـــص تحياتي

د/اجدع بنوته يقول...

فينك يادكتور سيد

يارب تكون بخير

تائهة فى أرض الأحلام يقول...

أانا فعلا ابتسمت قبل أرحل
لانى استمتعت جدا بما كتبت

واسمح لى انا اكون صديقة دائمة لمدونتك

Unknown يقول...

انا للاسف مشوفتش مدمنتك الا لما رجعت اكتب ف مدونتي الاولي ارض الاحزان بس بجد مدونه اراء و افكار انسان

شكرا
و اسفه علي اغلاق ارض الاحزان


نوجا

أحمد سلامــة يقول...

حلوة يا شبل
حلوة جدا
قريتها يجي ست مرات لحد دلوقتي
انت لسه عايش ؟؟
فين يعني ؟

غير معرف يقول...

شبل انت فين؟
عامل ايه وايه الاخبار؟؟

يارب خير انشاءالله
:))
سلامى

Najwan يقول...

ايه ياشبل انت بقيت عامل زى احمد سلامه الشهرة غيرتك برده وخليتك متردش على الناس ينفع كدا (:

paranoia,magnetic & dramatic girl يقول...

شبل انت فين
يارب يكون السبب خير
انا غبت فترة رجعت لقيت غايب
هو بالدور بنغيب ولا ايه
وحشني المكان واصحابه
يارب يفك الكرب لو في كرب
ويزيد الفرح لو في فرح
ربنا معاك ياشبل
مستنينك تنورنا تاني
الله حافظ
دودو

Unknown يقول...

لما بيتقللى علشان انت مدقتش مرارة الجوع
بصدق


كويس اوى الاعتراف ده لو ما كنتش ذكرته بعد الجملة الاولى كانت الاولى حتفقد مصدقيتها

موضوع مهم باسلوب جميل
تحياتى

السـيد شبـل يقول...

نجوان : شكرا لتعليقك ومش غرور والله ...بس انا كنت غالبا ما بردش ع التعليقات

لكن علشان خاطرك ده انا ارد و ارد كمان

وكمان انا بقالى فتره بعيد لان الجهاز بتاعى بايظ وما كنش عندى وقت اصلحه


عموما اتمنى تكرار الزياره دائما

السـيد شبـل يقول...

ياجماعه انا بشكركم بجد كلكم

شيماء " شكرا لسؤالك "


سيد سعد " شكرا للتعليق "

د\ اجدع بنوته

سلامه " صديقى العزيز"

دكنور حر

د\ انو نيمس

ولاء

ابراهيم معايا " سعيد بتعلقك وبتقارب فكرنا "

عاليا حليم

نوجا


- تائهه ف ارض الاحلام

paranoia,magnetic & dramatic girl يقول...

الحمد لله انك بخير ياشبل
اه فعلا عيد ميلادي
وانت طيب
ربنا يكرمك
وجهازك صلحه بقي مفتقدينك والله
الله حافظ
دودو

Amany Y. El-Saeed يقول...

نضال الأطفال إللي فهمته من التعليقات أصدق نضال

كن ملاكاً في ذاتك...و بشراً بين البشر بص...مكنش المفروض يكون ده صح لكن عشان تتعايش مع الناس لازم يكون صح

لما بيتقاللي عشان إنت مدقتش مرارة الجوع بصدق جميلة

كلما رقى الفنان و رقيت رسالته...كلما إستهان بمخاطبة الغرائز مش معاك في الفصل ده بصراحه لأن الغرائز حاجات طبيعية في الانسان و الإستهانه بيها أولا بتقلل من المصداقيه و ثانيا بتدل على ضعف الفنان في إنه يقدم غريزه طبيعيه بشكل راقي

الغرور صفة لا يتصف بها خسيس أو جبان مش معاك إطلاقاً ففي رأي أن الغرور صفة لا يتصف بها إلا خسيس أو جبان

المجد فقط لمن في الميدان
المجد مشترك لمن في الميدان و لمن خطط و نظم لدخول الميدان

الغيرة من النجاح طبعاً ضعف و عدمها رضا بالفشل أكيد

المشكله فى إستحالة ارضاء "الكل" ... ان يكون "للكل" الفرصه ف التعبير عن عدم رضاه
جميلة جدا

:)

غير معرف يقول...

المشكله فى إستحالة ارضاء "الكل" ... ان يكون "للكل" الفرصه ف التعبير عن عدم رضاه

جميله جدا