..الاشتراكيين ف فرنسا كانوا قريبين من كرسى الرئاسه وفارق بسيط ابعدهم عنها وجاء ب "ساره كوزى " ويبدو ان هذا الرئيس وبسبب خيانة زوجته او ديوثيته اصبح عنده عقده كأى "يمينى " حابب يفرض سيطرته على العالم من حوله ... فارسل فرق عسكريه لمنع انقلابات ف افريقيا ..."مش قادر افهم تبرير لموقفه " غير بعقده نفسيه بداخله ... ورغبه ف فرض نفوذ وهمى كاى متظرف معاق فكريا ... للتنفيس عن عقده السابقه ...
اليسار " غالبا " مع السلام ... حتى بداخل امريكا ... وان كانت فكرة اليسار " كمسمى " غير واضحه ... لكن وجود "الديموقراطيين " انا بعتبره بمثابة وجود لمبادىء اليسار ... ولا يتصور احد ما ان النظام الامريكى " راس مالى متوحش " ... الراسماليه الحمقاء نجدها ف بلادنا يصدروها لنا و بينبهر بها بعض "عبيدهم " رغبه ف الاستغلال وعبوديه للمال ... لكن " انا ارى " ان النظام الامريكى الذى يدعم الفقراء وارخص شىء فيه "السلع الاساسيه " اكل ولبس ... والنظام الذى يمنع الاحتكار .. وتتدخل الدوله فيه جين الحاجه لضبط الاسعار ... ويدعم الفلاح الامريكى فى زراعة القمح ... هو بمثابة نظام اشتراكى ...
السبب ف ذلك ان الاشتراكيه عندى = امرين الاول منع استغلال الناس لصالح فئه من " عبيد المال " + توفير عداله اجتماعيه ... الاشتراكيه ليست كراسه تملى وليست حكر على اى تيار كان من كان ... وتحقيق مبادئها اهم من المناداه باسمها
حتى موقف " الديموقراطيين ف امريكا "هيلارى - اوباما " من الحرب ف العراق واضح وهو سحب قواتهم .. على العكس من المرشح الحقير " ماكين " ناهيك عن دعمه الواضح لاسرائيل والذى عبر عنه من الأردن "الدوله العربيه الاسلاميه !!!!" ... ف الحقيقه امرمؤسف ما وصل اليه " العيل الاردنى "
" حقيقة الامر انا اتمنى ان ياتى اليوم الذى تكون فيه لشعوبنا رايا تستطيع فرضه عليهم وتحويل مسار التفكير الامريكى ... وان لا يكون مصير منطقتنا متوقف على مجيىء هذا او ذاك "
عموما .... ماهى ازمة مبادىء اليسار عندنا ف العلم الثالث ؟؟
اولا ... احب اؤكد ان اليسار لا يعنى اى توجه او اى حزب او اى فكر مشخصن ... وانما يعنى افكاره ... التى انا بصدد الكتابه عن ازمة عدم تحقيها داخل عالمنا العربى خاصه او " العالم الثالث بشكل عام .."امريكا الجنوبيه
المشكله تكمن فى ان وصول "مبادىء اليسار " الى الحكم ف عالمنا تعنى بالضروره تحوله الى نظام شمولى قمعى يرتبط بمجموعه من البشر او شخص معين ... لذا فاولى المبادىء المعنيه بالحريات " وحكم الشعب لنفسه " قد ذهبت بها الرياح ... وبالتالى تضيع الاشتراكيه . لانه لا اشتراكيه بدون الانسان الحر ... ولا حريه او كرامه للوطن ... فحرية الوطن واستقلاله تنبع من احساس المواطن بحريته و كرامته
المحور الرئيسى لكل النظريات يدور حول " الانسان "
بالطبع لابد من ضرب الامثله .. لتقريب وجهة نظرى ... لا شك ان كاسترو و جيفارا ف كوبا او عبد الناصر ف مصر ... كانت تدور بعقولهم افكار "بناء الانسان الحر - الاشتراكيه عداله اجتماعيه - قوميه تبدا من الوطن الاصغر "الام " وصولا للوطن الكبر " الآدمى " _
" ملاحظه فرعيه" :
بالطبع لم يقوموا بانقلاباتهم من اجل تحقيق هذه المصالح فقط .. بل وبالطبع كان بداخلهم رغبه ف الحكم و الرئاسه ... لكن هذا الامر لست انا بصدد مناقشه ... فجميعنا "و اولكم "انا " تكون الرغبه فى بناء مجده الذاتى دافعا اكيدا للعمل ... ولا ننا من الاصل لا نعلم ما بنفوسهم لذا سنناقش لماذا انحرفوا عن اهم مبدا " من المفترض " انهم سعوا من اجله وهو " حرية المواطن " وبناء الانسان "
ما الذى يمنعهم من الوصول الى ما يرنون اليه ؟؟؟
المشكله تكمن فى ان غالب مجتمعات العلم الثالث تتعرض دائما للتهديدات الخارجيه باستمرا ر ... فبمجرد وصول " اشخاص يحملون مبادىء اليسار للحكم " فاذا بهم يتعرضون لتهديدات " غالبا ما تكون فى شكل عسكرى " من قوى خارجيه فاشيه دمويه تعتبر نفسها واصيه على العالم وترى مصلحته افضل منه .... هذه القوى تشغل بال هذه الانظمه ... بالتالى لا تسمح لهم بالفتره الزمنيه اللازمه لبناء الانسان "المسئول " ليتمتع بالديموقراطيه والحريه اللازمه ...
مثال ... تعرض كوبا لغارات امريكيه بعد وصول " ما سمى بجيش الثوار للحكم " ... وتعرض " مصر " للعدوان الثلاثى بعد تاميم القناه
تلجأ هذه الانظمه لنظام شمولى " لا ابرا النقص البشرى من السعى للوصول اليه " ... المهم انها تلجا لنظام حشد الجماهير نظام شمولى ليس للفرد فيه الحقوق الآدميه الطبيعيه ... تكون مشاريع " غالبا " فيها صالح للوطن .... لكنها لا تتم بارادة الناس ... اى ان الناس لا يختارونها .. فليست امامهم فرصة الاختيار
هذا النظام الشمولى بالطبع سيرفضه " الأحرار " بتكوينهتم الطبيعيه ....
وهذا سيؤدى الى صدام النظام مع هؤلاء المواطنين الاحرار ... يرون الحريه امر واجب ... ولو ان كان الناس من حولهم سيرضون بهذا النموذج ... الا انهم سيرون انه ينبغى بناء الانسان القوى ... قبل بناء الدوله القويه ... "وانا " بالطبع اؤيد ذلك ... فبناء الانسان مقدم على اى شىء والانسان " الحر" "المسئول " هو بالطبع الذى سيكون قادرا على الحفاظ على اى مكاسب او مشاريع يتم بناءها ف دولته ....سيعيد بنائها ان هدمت ... سيدافع باستامته عن حقوقه الطبيعيه فيها ولن يسلمها لاى محتل " اجنبى او من نفس جنسه " سيموت فداءا لها لاحساسه الحقيقى اولا بامتلاكه هو لها ... ولانه شارك "بارادته " فى بنائها
هذا ما سيسعى اليه "الاحرار" فى ظل النظام الشمولى ... بالتالى يتحول هذا النظام " للقمعيه " ليمنع هؤلاء " الاحرار فطريا " من الحديث لجموع " القطيع "... وتمتلىء السجون والمعتقلات برجال " الفكر والعمل "
وستبدا الاستقالات من رجال يرفضون هذا المصير لبلادهم ... فى قصه لبنى آدم اسمه يوسف صديق ... كان من تنظيم الضباط الاحرار .. وشارك ف انقلاب 52... وفى موقف دائما نشاهده ف افلام الثوره " الحديثه " هذا الموقف ينسب اليه ::::
طلق نارى على عسكرى حراسه ... اختراق لحجره بها الكثير من الرتب الهسكريه
احد الرتب " جزم السلطان " : انت مين ؟
: يوسف صديق
جزمة السلطان :آاآآه الضابط الشيوعى ... اقف انتباه يا حضرة الضابط
يوسف صديق: تمام يا افندم بس حضراتكم مقبوض عليكم
هذا الضابط كل ما سمعناه عنه انه بادر بتقديم استقالته من مجلس الثوره ... اعتراضا على ابتعاد الثوره عن المسار الديموقراطى ... واعتقد ان " البنى آدم " ده كان على قدر جيد من الشجاعه لاختراق قياده عسكريه واعتقال العديد من القيادات
اعود الى مشكلة النظام التى ستحدث مع نفسه ... ببساطه ستضح امامه الحقيقه التى ظهرت بوضوح اما " جيفارا" ...
ان ما كنا نسعى اليه لا يمكن تحقيقه
بالطبع لن يمكن تحقيق الديموقرطيه ف ظل التهديدات الخارجيه من " العدو الذى كتب ان يكون دائما على ابوابنا نظرا للطمع " شىء يشبه وجود الشيطان كوسواس ملازم للبنى آدم "....
بناء الانسان كما قلت يحتاج لوقت وهدوء وحاله اقتصاديه جيده .... والثلاث امور غير متوافرين ... ومن الصعب توافرهم ...
فلا يمكن لهذا النظام الا ان يلجأ لتحقيق اكبر قدر من الكاسب " للوطن " بناء جيش او بناء مشاريع قوميه ...
و بهذا يضيع الانسان فى عالمنا الثالث ... ويتحول الى ترس فى آله "الوطن " وهذه ماساه كبيره
بمجرد توقف الآله سيموت الترس ... لانه لم ختار هذا الامر من البدايه
ما اريد قوله ... مبادىء " اليسار" و"السلام بدون استسلام " عندما تحكم فى بلدان اخرى ... لا تتعرض للتهديد من الخارج ... ناهيك عن ان الشعب كافراد "يعرف دوره وحقوقه وواجباته" .... طابع الشرقى ليس فاشى ولا يغير على غيره ... فهو مرتبط بجذوره واصوله ويعتز بها ... وهذه عادتنا نحن الى الآن وهى عاده حميده بالطبع ... فاى نظام سيحكم فى بلد اجنبي ستتأتى له الفرصه لتحقيق الانسان اولا ... لأنه لن يعانى عداوه شبه فطريه خارجيا
فهو لن يتعرض للتهديدات مثلما يحدث للشرق
فمشكلة اى نظام سيحكم انه سيقع بين المطرقه والسندان فاما ان يسلم بلاده لحكام دمويين مثال " بوش " والديوث " ساره كوزى " ويصبح كالحكام العرب حاليا "عبيدا " لهم كالعرائس الماريونيت فى ايديهم ... او يلجا لنظام شمولى قمعى ديكتاتورى " لكى يحمى وطنه ويحافظ على استقلاله كما يفعل كاسترو او شافيز فى امريكا الجنوبيه حاليا
مأساة اخرى للشرق
انا لا انكر انى احب دولة ايران ... واتمنى ان تزداد قوتها ... وان يتم مشروعها النووى ... ولا اعتبر فى ذلك اى تهديد لامننا القومى العربى ... بل على العكس علينا ان نتعاون مع هذا المشروع باعتباره مشروع " اقليمى " بالاضافه الى انها دوله اسلاميه نعتز بها ... لكن مع الحفاظ على هويتنا العربيه " لكن بدون ان يتحول هذا الامر الى هاجس " وما راره ان اكثر من يخشون على هويتنا العربيه اليوم " هم الوهابيين " الذين دخلنا معهم فى معارك بسبب حلم القوميه العربيه .... وكانها اجنده ينفذونها
ولكن مهزلة انتخابات برلمانيه ايرانيه :
حدث ما حدث من اعاقه للحريات فى الانتخابات الايرانيه " البرلمانيه " .... نظام ولاية الفقيه "عبث بالطبع " ... ودرب من دروب الوثنيه او الشرك بالله ... وضع صور الخمينى بهذا الحجم الضخم اصابنى بصدمه ف المجتمع الايرانى .... صوره كبيره جدا بداخل البرلمان الايرانى ... من هذا الذى تضعون صوره اليس بشرا مثلكم ... اهو اعظم مثلا من سيدنا محمد " عبد الله ورسوله " بشر مثلكم "... لم يبنى له احد تمثالا او رسم له صوره ... هذا يتنافى مع تصورى للشعب الايرانى بانه شعب من الاحرار ...
ربما يبررون ذلك بانهم يريدون ذلك من اجل كرامة وطنهم ... ولهم كل الحق فى ذلك ... لكن ما شان الخمينى بذلك ... ضعوا شعار دولتكم .... او اكتبوا بمبادئكم فى لوحات عريضه شىء يذكرنى بحزب وهمى " اسمه الاتفاق القومى " ديكور من الديكورات اللى موجوده ف بلادنا ... عندما وقفنا ف ميدان التحرير ضد زيارة بوش " ابن العاهره " ... وجدت بعض شباب الحزب"3" قادمين رافعين صور " عبد الناصر " تعجبت جدا من ذلك الموقف ... ماله ومال هذا اليوم ولماذا هذه الصور من الحجم الضخم ... لا انكر انه يعتبر رمزا للكرامه الوطنيه والمعاداه لامريكا ... لكن انت كفرد وناشط سياسى لك افكارك ... اكتبها وارفعها عاليا .... ومالك ومال هذا الشخص او ذاك ... ولماذا يصر هؤلاء العبيد الدوران فى فلك هذا او ذاك
لكن كيف الخلاص يا ايران ؟؟؟
المشكله ان البديل الذى امامهم هم " الاصلاحيين " بمثابة اليسار .... لكن كل العار على اليسار فى هذا الوقت ... لانه اصبح من المؤكد عمالة " الاصلاحيين " لأمريكا ونظامها الامبريالى المحتل ... وبالرغم من ان" خاتمى " كان من هذا الفريق الا انه اليوم يتبرا منهم ...
نعود الى نفس اللغز .. المحافظين "الشموليين" يدعمون المقاومه اللبنانيه ويؤمنون مسئوليتهم عن فلسطين ... ونحن العرب حاربنهم من خلال" صدام " ف الماضى " وها هم اليوم يمدون ايديهم الينا ... لكن الحريه الكامله والتى تتمثل عندى بان يكون كل فرد نفسه وحسب قناعتى بان تكون القدسيه لله " عز وجل " وحده والانتماء والعباده له وحده " جل جلاله " .... وشعب ايران ووفق ما شاهدناه لا يتمتع ولن يتمتع بحريته فى ظل هذا النظام القمعى .... ماساه اخرى للشرق ....
تتلخص الماساه ... فى انه لولا وجود شياطين الانس " الدمويين "الامبرياليين" ف الغرب لسنح الفرصه للشعوب فى ان تقتنص حريتها ...
لكن تحت دعوى المعركه والمشروعات الكبرى يموت الانسان العربى والشرقى والعالم الثالث
وتبقى المأساه الكبرى امامنا نحن " الاحرار" لنعارض نظام عميل مستعبد من الشيطان الاكبر حاليا " امريكا واسرائيل " ... نرفض ركوع اوطاننا او ذلها ونابى الا ان تعيش كريمه ...
او لنعارض نظام شمولى قمعى ديكتاتورى فى وقت آخر
لنبقى احرار لعل من حولنا يصبحوا مثلنا فتتبدل الامور
11 التعليقات:
حمدالله ع السلامه ياابوالسيد
كنت فين ياراجل
وراجع مش ببوست ده بكتاااااب
كل اللى اقدر اقلهولك
ان لا فض فوك
تانى حاجه
جيفارا م 10 اشخاص مميزين ف عالمى جدا
جيفارا هو التالت
عاش قاهر الظلم والظلام
عؤبالك كده يارب متبقى جيفارا المصرى
صباح الفراولة ياشبل
..
هههه انا مع اجدع بنوتة راجع بكتاب مش ببوست
بس بجد والله موضوعك شامل اكتر من حاجة
..
عارف اختيارك لليسار في كل حاجة سياسية انا موافقاك جدا فيه
عشان اليسار دايما بيبقي عكس الحكومة
والحكومة في نظري معناها القهر والظلم
..
اليسار بالنسبة لي يعني الرأي الاخر
...
ايران ياااه حلمي والله كلمتها تبقي العليا علي امريكا
لو ايران ملكت سلاح نووي = احنا كمان ملكناه
ايران في نظري = الف دولة عربية
ايران الفارسية اقصد غطت علي كل العرب
ياريت ايران تبقي لنا قدوة
ده كفاية وقوفها ضد عدونا كلنا
الي احنا مقدرناش نعمله هي عملته
احمدي نجاد علي شأن ايران اكتر من اي وقت
صحيح تطرفوا في موضوع الخميني
بس دي بعتبرها زلة مقارنة بحجم مميزات ايران
...
ههههههههههه
ايه الشتيمة دي ياشبل الي بترميها في وش بوش
هو طبعا يستاهلها بس انا ضد شتمه لان كده يبقي احنا اتساوينا بيه
احنا علي فكرة مش بنعمل حاجة غير اننا ندعي عليهم او نشتمهم لكن ملناش موقف ايجابي
احم احم شبل بلاش شتيمة
عارف انا بخاف والله لما حد يشتم قصاد مني
لاني بخاف الاقي نفسي اتعديت وشتمت
عشان كده بليز نو شتيمة
...
رجوع قوي ياشبل ومنورنا والله
ربنا يكرمك
الله حافظ
دودو
د\ اجدع بنوته ... الله يسلمك ... انا الحمد لله بخير
اتمنى ان كتابى الاول يكون عجبك ,,ههه
--------------------
لكن ايه اللى خلاكى تفتكرى انى بشكر ف البنى آدم "جيفارا" او غيره ... الفكره انى بتكلم عن الثوار " الانقلابيين " ف عالمنا الثالث ... وايه الشىء اللى بيمنعهم من تحقيق الديموقراطيه و الحريات ده مش دفاع عنهم مطلقا ... جايز جدا تكون الديكتاتوريه نتيجه لعقد نفسيه موجوده بداخلهم ... المقال بعيد عن تحليل اى شخصيه بعينها
_________________________
_________________________
انا اسمى " السيد شبل " ** لذا اتمنى ان اكون ** " شبل " **المصرى والعربى والمسلم مش اى حد تانى
_________________________
_________________________
شكرا بجد على التعليق
ديدو ::
احسن واحده بتقرالى وبتحل موضوعى
وانتظروا الكتاب ف الاسواق
______________________
______________________
بصى مش شرط الحكومه يكون معناها القهر والظلم ... فحكومات كتير بتكون كويسه ... ده عمره ما هيتحقق طبعا الا لو الشعب اختارها
اكيد هيكونوا زى اى بنى آدم ليهم عيوب ومميزات
انا اليسار بالنسبه لى ... هو ف الاصل زى ما انتى قلتى معارض
الراسماليه نفسها كانت بمثابة قوى يساريه ف مواجهة الاقطاع " فالماضى "
بعد ذلك تحولت الى يمين متخلف
والاشتراكيه لو حكمت من الجائز ف الوقت ده اننا يطلق على المطالبين " بالراسماليه " انهم يسار
لكن ف وقتنا الحالى "" اليسار "" تحرر من فكرة المعارضه وارتبط ف رايي بثلالث امور "
"" الاشتراكيه - الحريات - الانسانيه الآدميه بدون المساس بالهويه ""
____________________________
____________________________
انا على فكره مشتمتش ف بوش " على حسب ما انا فاكر " يمكن كلامى على " ساره كوزى " انتى افتكرتيه على " بوش االمجرم الدموى "
وانا لما اقول عليه انه دموى محتل ... مبقاش بشتمه ابقى بوصفه
مش اكتر
___________________________
____________________________
دعاء ... بشكرك على تعليقك بجد ونورتى فعلا
انت على فكره مبقاش عجبك حد ... لا جيفارا ولا كاسترو ولا شافيز ... وبتشتم ف الناس اللى شايله صورة عبد الناصر ....
مش فاهم انت بقيت مغرور مثلا ومش عاجبك حد
انا معاك ف رفع القدسيه عن البشر ... بس متحطش القدسيه لنفسك انت ولرايك انت
بلاش غرور ومش علشان الناس قالتلك انك بطل علشان مظاهرات ... تقوم تحس انك " عملت اللى ما يعمل " ...
وتشوف كل الناس انهم زباله وماشيين متساقين ؟؟؟
عودا احمد ياسيد سبل وسامحنى انى بقالى كتير معلقتش عندك فى المدونة بس والله الشغل واخد كل وقتى المهم انت اتكلمت فى حاجات كتير مش عغارف اعلق على اة ولا اية بس ممكناتكلم على لية نظام عبد الناصر او شافيز وكاسترو اتحولوا لنظم دكتاتورية فى بعض الحالات رغم انه اساسا قاموا لبناء الاشتراكية وانهاء الحكم الشمولى بص ياسيدى زى ما الراسمالية نظام عالمى الاشتراكية كذلك نظام اممى او عالمى فلا يمكن باى حال من الاحوال ان تبنى الاشتراكية فى بلد واحد لانك هنا ستحارب فى اكثر من جبهة الراسماليين المحليين والراسمالين العالميين(الشريكات عابرة القوميات)والدول الراسمالية والتى يهمها ان تثبت ان النظام الاشتراكى فاشل وعلية فاذا لم يناضلوا لتكون الاشتراكية على مستوى قومى ثم اممى ستتحول لما يطلق علية راسمالية دولة فالدولة هى التى تمارس مهام الراسمالى وهنا لاتختلف اشتراكية البلد الواحد على النظرية الكنزية فى الاقتصاد والتى اقر القرن الماضى بفشلها
المهم بوست هايل واشوفك فى مظاهرة كفاية لتايد عمال المحلة
دعاء:
انا راجعت المقال تانى تصدقى ما كنتش فاكر انى قلت
" بوش ابن العاهره "
ده غالبا عقلى الباطن ... مش انا
___________________________________
غير معروف :
انت ليه قلت انى " مبقاش "عاجبنى حد ... انا " من البدايه " مش بشوف حد كويس وحد وحش ... انا بس بشوف الناس كلهم " كبشر بنى آدميين " بيعملوا حاجات صح وحاجات غلط ... بشر " وخلق الانسان ضعيفا " ... علينا اننا نتعلم من حاجاتهم الصح ونرفض حاجاتهم الغلط
ولا نعجب ولا ما نعجبش
...
و انتقدت الناس اللى شايله صورة حد معين ... ووصفتهم بالعبوديه .. ده مش معناه اى بشتمهم ده وصف لواقع ...
هما اللى معبروش عن ارائهم وفضلوا ان حد غيرهم يعبر لهم عن رايهم
"" عموما كل واحد حر "" ... ف دماغه وخد بالك انا مشخصنتش حد بعينه انا بتكلم عن الفكره بشكل عام
وعلى فكره انا بشوف ان عبناصر كان له حاجات كويسه وكتبت ده ووفقه ربنا انه يحققها " زيه زى البنا و الافغانى او محمدعبده و صلاح الدين وناس كتير ف تاريخنا العربى والانسانى والاسلامى "
لكن ده مش معناه انى ارفع صورة اى حد فيهم
لان برضه من زاويه تانيه هما ليهم عيوب و نواقص بشريه كتير
وخروجى ف مظاهره هيكون للتعبير عن رايي "" انا "" مش حد تانى
ده مش معناه . الغرور . احنا ليه بنوصف الواثق من نفسه بانه مغرور .
وانت ليه قلت انى بحط القدسيه لنفسى ... حاشا لله ... انا ممكن يكون كلامى صح وممكن يكون غلط
القدسيه لله " عز وجل وحده"
لكن ربنا " سبحانه " عايزك تكون حر تكون نفسك تكون عبد ليه هو وحده ... يعنى تكون نفسك تغلط وتدعوه انه يسامحك وترجع تتعلم من غلطك وتحاول تعمل الصح وتبقى عارف انه هو " سبحانه " اللى بيوفقك لكده ... ربنا عايزنا نفكر بعقولنا وننتمى لنفسنا اللى هو " عز وجل " خلقهالنا ...
عموما
تهمة " الغرور " ف مجتمعنا ثابته و موجوده لاى حد بيفكر بدماغه وبينتمى لنفسه ... زى ما تهمة العبوديه والجبن انا ممكن اوصف بيها اى حد ماشى ف حاله ومالوش دعوه باللى بيحصل ف دنيته " وده هيبقى غلط منى طبعا " لانى دلوقتى بطلت اكون حاكم على الناس انا مالش الحق ف ده
...
كل اللى انا نفسى يكون سايد ف مجتمعنا ان كل حد يكون نفسه " وما ينساش من الاساس ان كل جزء منه هو من خلق الله بالاساس يعنى مالوش فضل فيه " وهو ده ف رايي معنى التوحيد لله ان ما يكنش حد غير الله " عز وجل " قدامك لا تخاف ولا تنتمى ولا تقدس سوى " الله عز وجل " ... فاهمنى
... لابد ان الانسان " الموحد " يكون بيفكر بعقله اللى ربنا خلقهوله
ساعات كتير بحس ان مش كل الناس عندها القدره دى ... ولما بقف على الحقيقه بان فعلا فى ناس بتكوينتهم معندهمش استعداد انهم يفكروا "" كبنى آدميين "" بتوقف عن نقدهم ... وبسكت
عموما
انا عمرى ما قلت الكلمه دى على الناس
كل اللى قلته ان جزء كبير من شعبنا" ومش شعوبنا بس فيه ناس كتير ف العالم كله " ماشى ف " القطيع" وده ممكن يكون ناتج من تربيه غلط او فقر دفعهم للخضوع او اوضاع اجتماعيه مترديه وساعات " برضه " بحس انه موروث جينى بداخلهم .. انهم بتكوينتهم كده
عموما انا بقلك انى بطلت اقول الكلمه دى ... من شهر 2 اللى فات ... لانى كنت فاكر انى كلمتى للناس ممكن تغيرهم ... بس لاقيت ان اى حد جوه قطيع صعب انك تغيره صعب جدا ... كل اللى بيحصل انه ممكن ينتقل من مكان لمكان ... يعنى بدل ما يبقلى ف سكة الاخوان يبقى ف قطيع الناصريه او قطيع الليبراليه " وهو مش فاهم من الاصل معناها " او يبقى ف قطيع الماركسيه او قطيع السلفيه او يبقى ف القطيع الاساسى والسائد "قطيع السلبيه" ... وهكذا
بس مش معنى كده ان كل واحد بيقول على نفسه اى وصف من اللى فوق انه ف القطيع مطلقا ومنهم ناس كويسه جدا واحرار فعلا ... بس دول غالبا مش هتلاقيهم بينتموا انتماء شديد لاى حاجه من اللى فوق
عموما انا والله بطلت اقول الكلام ده " خصوصا بعد ما هاجمت الاخوان " مش فكرهم " وقلت عليهم كلام زى ده وهاجمت غيرهم من الناصريين " مش فكرهم" و الليبراليين " مش فكرهم ""
و دلوقتى بطلت اهاجم اى حد " كل واحد ربنا خلقه ف حته معينه " وهذه مشيئته
انا عموما بطلت احس انى مسئول تجاه المجتمع بالشكل ده
ولولا انك سالتنى انا ما كنتش رجعت اهاجم حد ...
شكرا لتعليقك جدا
صديقي
حمد الله علي السلامه
السيار واليمين
تعرف أنا لحد دلوقتي ما لقيتش تعريف واضح وصريح وقاطع للأتنين
الاشتراكيه كنظام أقتصادي في البدايه هي من ارقي النظم وممكن تقول ان الاسلام بيحض بشكل كبير جدا علي الاشتراكيه مع المحافظه علي الملكيات الخاصه بالتأكيد
مع كمية الضباب الذي يعوق التعرف الصحيح علي اليمين من اليسار وزي ما شرحت أنتا في التدوينه الرائعه بتاعة المبادره للتقارب مع الاخوان ان اليمين هو الممسك بالحكم أعتقد انك تعرف الكلام ده أكتر مني
يبقي اليسار هو أي تيار يمثل فكرة الثوره
في عالمنا المعاصر يطلقون لفظة اليسار علي ألأنظمه التي ترفض الرأسماليه كنظام أقتصادي
أعتقد أن جل الفرق بين اليمين واليسار هو الجانب الاقتصادي في تفكيرهم
فألأشتراكيين في فرنسا أو في مكان في العالم يؤمنون بالديموقراطيه ويتخذونها سبيلا
أذن ليس هناك علاقه بالضروره بين اليسار والاشتراكيه كفكر سياسي وأقتصادي وبين الاستبداد والديكتاتوريه
كل الروابط التي تربط اليسار والاستبداد موجوده فقط في البلاد التي لا يوجد بها شعب ليطالب بحقوقه ويطالب بحريته
فالحريه لا توهب ولكن الحريه تنتزع
أيران
الطرف الاقوي في المنطقه أنا لن أبكي علي الرياده وعلي القوه التي كنا عليها
أن تحول الفكر السياسي للشيعه عموما في القرن الرابع الهجري بعد أختفاء أو ادعاءهم أختفاء الامام الثاني عشر فيما يعرف بمذهب الاماميه الاثني عشريه من وجوب وجود امام ظاهر وعلي قيد الحياه ومعروف لهم الي ولاية الفقيه بعد وفاة الامام الحادي عشر بدون أبن وبعد وفاة المدعين بأنهم نواب الامام المختفي قد أستقر في وجدانهم أن الفقيه هو المسير لكل الامور وهو الحاكم بأمر الخليفه المنتظر والذي أي الخليفه المنتظر قد ولي عليهم من السماء بأمر الله عز وجل
هذا الخلط العجيب والغريب بين الدين والسياسه وفكرة الحاكم بأمر الله في الارض يشكل وجدان وفكر غالبية الشعب الايراني وهو يمثل لديهم معتقد ديني غير قابل للنقاش
ملحوظه للتوضيح
نشأ المذهب الامامي الاثني عشري وولاية الفقيه عن طريق بعض الاشخاص الذين طمعوا في الخمس الشهير لدي الشيعه
في أعتقادي الشخصي أن جمال عبد الناصر هو الشخصيه الوحيده من الذين حكموا مصر التي تستحق الاحترام والتقدير ورفع صوره عاليه لعنان السماء
عندما أرفع صورة شخص ما ليس المقصود هو تقديسه ولكن المقصود أن أعلن أنني مقتنع بفكر هذا الرجل
أعتقد أنك تعلم جيدا المغزي من وراء رفع أي صوره
:)
في الاخير
متناقضات الحكم والتبعيه تحكمها أشياء كثيره للغايه أهمها علي ما اعتقد الحرص علي البقاء في الحكم والحرص علي السرقه المريحه للشعب والحرص علي غض الطرف عن الاستبداد الممارس ضد الشعب
أعتقد أن التبعيه هي من علامات الانظمه المستبده فقط هذا في كثير من الاحيان وليس هناك اي مشاكل اذا أصيب نظام غير مستبد بهذا الداء ولكنه من قبيل الشاذ الذي يثبت القاعده وليس ينفيها
أنا حاسس أني طولت عليك وأنك مخنوق مني دلوقتي :)
أنا أصلا أتخنقت من نفسي
:)
أسف علي الاطاله
وأسف لاني لم اغطي جميع جوانب التدوينه التحليليه الجميله
أه تحليلك رائع المفروض أصلا تكون محلل سياسي سيبك من كلية الطب ووجع الدماغ ده
:)
خالص تحياتي
ازيك ياشبل يارب تكون في احسن حال
..
ههههههه اه عقلك الباطن
الي شتم
بس الصراحة هو يستاهل اكبر من الشتيمة دي
بس احنا منشتمش
..
اه ياشبل انا بحب اقرا مواضيعك صحيح بتبقي طويلة بس انا متعودة اقرا بال 600 صفحة في وقت قليل
وكمان بيبقي طويل موضوعك بس شامل نقاط كتير
...
انا قريت التعليقات الي جتلك
واخدت بالي من الاخ الي قال مغرور وكده
..
هقلك حاجة ياشبل احنا نرضي جميع الاطراف
انت عليك انك تقول " اعوذ بالله من الكبر والخيلاء والغرور"
وهو عليه يقول الي عاوزه
علي فكرة انا وياك في جملة ان اي حد بيفكر ويعتز بأفكاره بيحسبوه مغرور
..
بس الاخ الي قال كده ممكن يكون شاف في كلامك سبب للكلمة دي
عارف انامبسوطة اوي انك بتنشر ومش بتمسح تعليقات
انا والله بعتبر دي شجاعة
انا مش بتحمل بقي اي تعليق يبقي فيه اتهام او شتيمة
يانهاري والله ممكن ابكي واتجرح اويييي
ربنا يكرمك
وارجع تاني واقلك حمدا لله علي سلامتك
:)
..
دودو
تحليل محترم بالتاكيد وراه عقليه محترمه
طيب يابطل مستنيينك يوم الاضراب العام
إرسال تعليق